البوكمال - مدينة فوق اروع حضارة

صفحات من تراث وتاريخ وقصص
 
الرئيسيةس .و .جبحـثالأعضاءالمجموعاتالتسجيلدخول


شاطر | 
 

 امير الطرب فريد الاطرش

استعرض الموضوع السابق استعرض الموضوع التالي اذهب الى الأسفل 
كاتب الموضوعرسالة
ابو حسان
المدير العام
المدير العام


ذكر برج الحمل الدلو
الماعز عدد المساهمات : 771
تاريخ التسجيل : 16/11/2009
العمر : 61

مُساهمةموضوع: امير الطرب فريد الاطرش   الإثنين يناير 04 2010, 08:34

أمير الطرب العربي (فريد الأطرش) في حوار نادر جدا:




فريد الأطرش مع أم كلثوم في عام




الكثير من القصص والخلافات كانت تدور رحاها بين فناني

الزمن الجميل فهم في النهاية أشخاص معرضون للأخطاء.




وبالرغم من كل ما يحدث في الكواليس إلا أن صورة هؤلاء


العمالقة مازالت خالدة في أذهاننا، لأنهم القيمة

الحقيقية والإبداع الفني الذي نعيش معه بكل حالاته.


في أول إطلالة لهذه الزاوية التي سنستعرض فيها ما كان


يجري في السابق من أحداث وتغيرات عصفت بالفن سنستعرض

حوارا ثريا وجميلا جدا وقعت أيدينا عليه للفنان فريد الأطرش.

حوار ليس كأي حوار.. حوار ناري يفتح فيه الموسيقار


الراحل فريد الأطرش أحد أهم الأسماء الفنية في تاريخ الأغنية

العربية النار على سيدة الغناء العربي أم كلثوم على إثر حادث

موت أسمهان ورحيلها ورفض أم كلثوم الغناء له

وعدم اتاحة الفرصة له لتقديم ألحانه من خلال حنجرتها.

في هذا الحوار الجميل أحببت أن أقدمه بلهجة الأطرش الحادة


وبدون تزييف أو تلفيق، وبالرغم من كونه فنانا سوريا الأصل،

الا انه يتحدث المصرية بطلاقة وجمال لا مثيل له بل انك تصل


الى نشوة عارمة عند سماعه وهو

يتحدث فهو مطرب في كلتا الحالتين.

حوار فني عمره الآن ما يقارب الأربعين عاما قدمته إذاعة مصر




في احد برامجها في ذلك الوقت أحببت أن أقدمه لكم لترون

ما كان يحدث في الزمن الجميل من تنافس حول تقديم الأجمل..



ملاحظة فنية: الحوار باللهجة المصرية

@ ماذا اكتسبت من الفن بعد هذا الزمن الطويل وهذا العطاء المميز؟

- (يضحك) خرجت بذبحة صدرية وثلاث جلطات وانسداد في


الشرايين وتضخم في الكبد والقلب وبلاوي أخرى ومنغصات في الحياة.

الحياة مليئة بالمفارقات الغريبة فيها سعادة بؤس وشقاء وملذات.



ثلاثة أشياء بتكرهها في الحياة؟

- الكذب أولا والنفاق (يا ساتر على النفاق) والخيانة خيانة صديق،


لما الغريب يخونك دا بتسميه طعنة ولكن لما الصديق بيخونك

وبيطعنك دي بتوجع أكثر بتوجع لأنها بتفضل في النفس

تعذب القلب فهما دول الكذب والنفاق والغدر اللي بكرهم في الدنيا.

@ ثلاثة أشياء بتحبها؟

- احب الموسيقى أولاً لأن دي حياتي طبعا فيه ناس بيقولك أنا بحب


وطني طبعا أي إنسان عنده شهامة وكرامة بيحب وطنه أولا

دا شي ضروري، فأنا بحب فني ووطني وبحب المرأة، مثل عيب

لما أحب المرأة واستمد من شفاه حلوة ولا عنين

حلوة ولا جسم ممشوق إني استمد منها وحي فني.

الحب في نظري شيء من الله.

@ كم مرة حبيت أستاذ فريد؟

- منتا عارف وهما عارفين (يضحك).

@ طيب أعطينا بالعدد ومراح نقول أسماء؟

- ربنا أوصى بالحب ووضع لنا قلوب عشان نحب ونتحب فأنا بوصي


كل الناس إنهم يحبوا بعض وما يكرهوش بعض لأن الكره

دا بيسبب تعاسة في القلب ومنغصات وضغائن ويكون

في جسد الإنسان شي ما يدعوه للانتقام فربنا أوصانا بالحب.

@ كمان ما جاوبتني كم مرة حبيت في حياتك؟

- انا اقول انها دي حاجات خاصة وبلاش عشان ما يفتكروش


الجمهور إني فاسق (يضحك) وفيه أشياء كتيرة الواحد يقدر

يتعشق فيها منها الطبيعة وكمان الطبيخ يا سلام على

الطبيخ وخصوصا لو كانت (مجدرة) يضحك بقوة.

الحب فيه حاجات كتيرة لذيذة وشاعرية وتبعث الراحة والطمأنينة


للنفس وبتوحي للشعراء والملحنين أمثالي واحنا بنقدم كل هذا للجماهير

ولفننا فأنا بآخذ ابتسامة حلوة وأبلورها في

لحن جميل فأي غضاضة في هذا الأمر.

@ بالنسبة للحب أستاذ فريد كم مرة إنت عشت


في حرمان وأنتجت شي في الحرمان؟

- والله أنا أصعب حرمان عشته هو حرماني من أختي أسمهان


، يوم ما ماتت أسمهان يمكن نص حياتي انتهت لأن أسمهان

كانت كل شيء في حياتي وأنا وأسمهان كنا نحب بعض حب

لا يمكن أن يتخيله إنسان فهي كانت صديقتي وأختي وحبيبتي

وكل شي والصوت الي كنت با اديله أجمل ألحاني وكان من السهل

علي لو فقدت عين من عنيه أو رجل أو ايد مني على

إني أفقد أسمهان وياليت ما راحتش أسمهان.

مالقتش بعد أسمهان صوت يؤدي لي مش صوت بس صوت


وشخصية لأن الفنان لازم يكون عنده صوت وشخصية فيه كتير

من الأصوات جميلة جدا في الشرق لكن تنقصها الشخصية.

والفنان إلي له شخصية بيوصل حتما للناس بأي شكل كان.

فأسمهان كان لديها شخصية جبارة وكانت فنانة جبارة وصوت عظيم،


ومن يومها مالقتش صوت أحسن من أسمهان عشان كدا أنا ما بلحنش

دي الوقتي ومافيش في هذا الوقت صوت أقدر أديه ألحاني إلا السيدة أم كلثوم.

أم كلثوم بكل أسف فيه حاجة في نفسها مش عايزة تتعاون معاية


يعني أنا مش مضطر إني أقول الكلام دا، أنا حاولت وقلت هذه

أمنيتي في حياتي وتواضعت وحتى جرحت نفسي لما أقول هذ

ه أمنيتي لأني مش محتاج لكل ده، بس أنا حبيت أوري الناس

أد إيه أنا بتعذب والناس عارفة قيمتي الفنية وعارفة

إني أقدر أقدم أكثر مما قدموا لها في حياتها الفنية.

@ يا ترى ما هي الأسباب؟

- والله حاجات كامنة في نفسها أنا مش قادر أتكلم فيها لأنها جارحة


شوي وأنا مبحبش أتكلم عن السيدة أم كلثوم وأقول الي في

نفسيتها لأن هيه بتكرهنا، هية مبتحبناش، ودا دليل قاطع

إحجامها عن كونها تغني من ألحاني، هية مش مضطرة أول

حاجة وأنا مش بفرض عليها بس هية تقدر تسمع من ألحاني

وتقول مش حلوين طب مين يحكم بيني وبينها طبعاً الجمهو

ر مش عايزة تديني الفرصة دي كل ما تسمع مني حاجة تقول

لا أنا فريد أنا بعزه أنا بحبه أنا بقدره طب تفضلي تعالي نتعاون

مع بعض قدمت لها قصيدة للأخطل الصغير عن ثورة فلسطين

بعنوان وردة من دمنا وأنا أعتقد أنها لو غنتها أم كلثوم

كان الناس حتحبها أكثر من أي أغنية حب.

@ سمعتها أم كلثوم واتجننت عليها وقالت عايزة أغنيها بكرة وبعد


أربع خمسة أيام غيرت فكرها فإذن فيه شيء

كامن في نفسها مش عارف أنا هوه إيه؟

- أنا بعتقد إنه إذا كان فيه شي ضد أسمهان فأنا ورثت هذا الكره


، فأنا مش عارف ليه هية مش عايزة تغنيلي مع انك لما تسألها

تقولك لا دا فنان عظيم ومش عارف إيه أروح أقدملها ألحان

رائعة مش عايزة تغني لي هية تقدر تقولك والله فريد قدملي لحن معجبنيش

.. مش من حقها لأن الملحنين الكبار مثل السنباطي، عبدالوهاب

مش هية الي تحكم علي ألحانهم الجمهور الي بيقول دا فاسد ودا ناجح.

وكل الألحان الي قدمت لأم كلثوم مش كلها ناجحة لا أعتقد أن


كل ما قدم لها في مستوى صوتها وأنا بسمع

لها ألحان تقدمها أدنى بكثير من مستوى أم كلثوم.











والله مقدرش أحدد لأنهم كلهم كويسين وخواتي وزملائي

لكن أنا فكري أن أم كلثوم لازم كانت تعتزل يوم ما قالت:

أنا حعتزل يوم ما مات جمال عبدالناصر أنا مش حغني تاني.

وكانت قدمت الأطلال ودي أروع قصائد قدمتها


وبعد كدا ما قدمتش ألحان يعني في مستوى الإطلال.

@ أنا عايز أسألك انته واسأل الجمهور هل أم كلثوم


بعد الأطلال وأنت عمري قدمت حاجة زيهم؟

- فبعد كدا ابتدت تغني طقاطيق وحاجات صغيرة كدا خفيفة تؤديها


أي مطربة مش ضروري أم كلثوم، فإذن الكبر والسن لما يتقدم

بالفنان لازم يعترف انه انتهى، لازم تعتزل و هي كبيرة أنا بحب صوت

أم كلثوم سيبك من الحاجات الخاصة الي بيني وبينها أنا طبعا بقدرها

كأكبر مطربة جت في تاريخ الغناء العربي وأنا ماسمعتش إيقاع أيام

زمان عشان احكم عليهم لكن في عصرنا هذا أم كلثوم أجمل وأروع

صوت طبعا جاء في الشرق فإذن هذه الفنانة الكبيرة العظيمة لازم تعتزل

وهي عظيمة مش تعتزل بعد أن تنهار وصوتها يضعف ويبتدي

الناس ينتقدوها ويقولوا لها صوتك ضعف.

وإحنا بنقول إن صوتك ضعف جداً وأصبح مستواه لا يمكنه أن يؤدي


الألحان القوية الدسمة والانطلاق والطبقات العالية والصدر المنفتح

والنفس الطويل وأداء القصائد والألحان الرائعة الكبيرة فأصبحت هي

لا تقدر أن تؤدي هذه الألوان العظيمة

كما كانت تؤديه في السابق.

فإذن لماذا الاستمرار، والإصرار على أن أنهي


حياتي وأنا عايش وأنا مسؤول عن كلامي.

@ لكن هذه مشكلة في العالم كله فالفنان لا يعرف متى يعتزل؟

- أنا أحترم بعض الشخصيات التي اعتزلت وهي في أوج مجدها


فهناك من الفنانين من اعتزل وعمره خمسة وخمسون يعني

من عمري فأنا لسا عندي عطاء والدليل إني عملت حفلة

السنة اللي فاتت وغنيت عش أنت إني مت بعدك للأخطل الصغير

ونجحت نجاحا منقطع النظير وكان صوتي بيؤدي أحسن مما أديت

في شبابي، فإذن أنا لو أحسوأنا فريد الأطرش الى الجمهور العربي

وصلني للمكانة الرفيعة اللي أنا عليها لا يمكن إني أفقدها في لحظات

جنون أو خبل أو غرور وأفقد كل حياتي وكل ماضية وأروح وأغني

وحش قدام الناس وانزل لمستوى اوطى من المستوى الي أنا وصلت

إليه لازم أعتزل وأنا كبير وأفضل في نظر الناس كبير

زي الملاكم الي يعتزل وهوه بطل العالم.

@ من هو الذي سيوصل هذا الكلام للسيدة أم كلثوم؟

- أدي الإذاعة أهيه وادي الناس أهم وأكيد فيه ناس حيسمعوها ضروري


لأنه فيه ناس حاسدين وحقودين ومنافقين ويروحوا

يقولولها شوفي فريد أطرش بيقول إيه!!

أنا بقول عنها إنها أعظم امرأة في الشرق فلما بقول عنها كذا لأن


بقالي أربع خمس سنوات أترجاها وارجعوها انها تغني لي قصيدة

قدمتها لثورة فلسطين يعني حاجة وطنية حتى لو وحش كان

لازم تغنيه وبعدين الجمهور هوة اللي حيحكم عليه.

أنا جيت وبقدم فني على كفي وماضيه كله وبما عرف عن فريد


الأطرش بكل تواضع من اختيار مواضيع أغانيه الجميلة والكلمات

الجيدة والألحان الي بقدمها والحمد لله كل الناس راضية عنها وأنا

مستوايه كل الناس تعترف لي بيه وكل الناس بتعرفه هوه إيه.

إذن فأنا مش الفنان الي حاجي واعرض واسمي ومكانتي وماضية دا كله


للزوال عشان يقولوا فريد الأطرش قدم لحن وحش لأم كلثوم، فأنا طبعا

إذا قدمت لحن لأم كلثوم أنا عارف بقدم إيه، بقدم شيء خطير يتناسب

مع مستواية أنا افني ومع ألحني ومع ماضيه كله ومع تقدير الناس

ليه ومع صوت أم كلثوم فإذن كل هذه الأشياء تخليني أفكر مية مرة في

اللحن وأغير فيه لحد ما الاقيه مكتمل، والدليل لما سمعته أول مرة كادت

أن ت جن والله والل والله العظيم والقرآهن الكريم كادت أن تصعق

من كثر ما هي تأثرت باللحن وقالت لي امتى حغنيه؟

- الجمعة دي وحنعمل بروفة بكرة وتحمست حماس مالوش نهاية


وبعد أيام الزن في الودان فبيزنوا في ودانها وبيبقولوا لها

يا شيخة دي أغنية وطنية وحقيقة معرفش قالو لها إيه؟

ومعرفش هل دا صادر منها؟

ولا نابع من الناس الحاسدين اللي مش عاوزيني أوصل لأم كلثوم


وحقول واعترف لأول مرة بالسبب الوجيه الي مش عايزين الناس

تتعرف عليه ومش عاوزيني أوصل لأم كلثوم لأنه حيحصل مقارنات

مابيني وبينهم، حيقارنوا بين الألحان التي قدمت لها واللحن اللي

انا عملته ليها فيحصل مقارنات أيهما اأصلح وأيهما الأحسن

فإذا أنا كان لحني فاشل حيقولوا عملها إيه فريد الأطرش ماعملهاش

حاجة وحفشل أنا، لأن صوت أم كلثوم مش هوة اللي حيفشل الملحن

الي يفشل مع صوت أم لثوم اللحن لما يكون وحش وضعيف هوة اللحن

اللي بيسقط مابتغنهوش تاني لكن صوتها بيفضل عظيم صوتها عظي

م أم كلثوم ومش ممكن تفشل الي بيفشل الملحن معاها.




لئن كنتُ محتاجاً إلى الحلم إنني * * إلى الجهل في بعض الأحايين أحوجُ
الرجوع الى أعلى الصفحة اذهب الى الأسفل
http://albukamal.ba7r.org
 
امير الطرب فريد الاطرش
استعرض الموضوع السابق استعرض الموضوع التالي الرجوع الى أعلى الصفحة 
صفحة 1 من اصل 1

صلاحيات هذا المنتدى:لاتستطيع الرد على المواضيع في هذا المنتدى
البوكمال - مدينة فوق اروع حضارة :: الفئة الأولى :: شخصيات-
انتقل الى: